تورکیه جمهور باشلیغی رجب طیب اردوغان، اسپانیا باش وزیری پدرو سانچز تلیفونی ملاقات اۉتکزیب، ایکی تامانلمه مناسبت همده غزه احوالی حقیده صحبت‌لشگن.
بو حقده نشر اېتیلگن خبرلرگه کۉره، اوشبو ملاقات‌ده غزه اوروشی یکونلنیشی و تینچ‌لیک تامین‌لنیشی مقصدیده، ایکی دولت‌لیک ریجه عملگه آشیریلیشی تاکیدلنگن.
تورکیه جمهور باشلیغی، بو ییل بیرلشکن ملتلر تشکیلاتی باش مجمع‌سی ییغینی‌ده، ایکی دولت‌لیک ریجه عملگه آشیریلیشی مقصدیده اونملی آدیملر کوتاریلگنینی هم معلوم قیلدی.
شونینگدېک تورکیه و اسپانیا یوقاری مرتبه‌لی رسمی‌لری ملاقاتیده، اسراییل‌نینگ هجوملری هم قاره‌لنگن.
ایتیش کېره‌ک که اسپانیا هم بو ییل فلسطین‌نی مستقل دولت اوله‌راق رسمیت‌گه تَن آلیب، اسراییل هجوملرینی قاره‌لگن مملکتلردن بیری دیر.
