جوزجان ولایتیده طالبان خوفسیزلیک قومندان‌لیگی‌نینگ تصدیق‌لشیچه، بو ولایتده آلتی کیشی تورلی عیبلاولر سبب حبسگه آلینگن.
بو حقده نشر اېتیلگن معلومات‌گه کۉره، طالبان حربی‌لری تامانیدن حبسگه آلینگن بو شخص‌لر، اوغری‌لیک و اخلاقی فساد عیبلاوی بیلن اوشلنگن.
طالبان بو شخص‌لرنی انیق بیر موترسایکل همده بیر دکاندن پول و بویوملرنی اوغری‌لیک قیلگن‌لیکده عیب‌لگن.
مذکور شخص‌لر جوزجان ولایتی مرکزی شبرغان شهری‌دن قۉلگه آلینگن.
بو واقعه شوندی بیرحالده یوز بېرماقده دیر که اۉتگن کون سرپل ولایتیده هم اوچ کیشی اوغری‌لیکده عیب‌لنیب، طالبان کوچلری تامانیدن اوشلنگن اېدی.
ایتیش کېره‌ک که سونگی وقتلرده، سرپل، فاریاب و جوزجان ولایتلریدن اوغری‌لیک واقعه‌لری کۉپ خبر قیلینماقده دیر.
اوشبو واقعه‌لر شوندی بیرحالده دیر که اهالی اقتصادی احوالی کون‌سایین یامان‌لشیب بارماقده و ایشانچ‌لرگه کۉره، اوغری‌لیکلر کۉپه‌یشیگه هم اساسی سبب شو وضعیت دیر.
