پاکستان میزبان‌لیگیده افغانستان‌لیک فعاللر ییغینی، بیر نیچه هفته کیچیکتیریلیشدن کېین بوگون دوشنبه، ۷- میزان باشلندی.
اوشبو ییغینده، طالبان‌گه قرشی گروه‌لر وکیللری همده سیاسی و انسان حقلری فعاللری‌نینگ اشتراکی بار دیر.
بو ییغینده اۉزبېک‌لردن عالیه ییماز همده افغانستان ملی اسلامی جنبش حزبی‌نینگ وکیللری بۉلمیش مولوی عبدالله قرلق و فریدون الهام اشتراک قیلگن.
ییغین افغانستان و پاکستان‌ارا مناسبت‌لر حقیده قره‌تیلگن بۉلیب، بو خصوصده ایشانچ یره‌تیش یۉللری خصوصیده فکر المشتیریلیشی معلوم قیلینگن.
مذکور ییغین طالبان و پاکستان مناسبت‌لری بیر قنچه تارتیشوولر بیلن بیرگه بۉلگن بیر شرایط‌ده اۉتکزیلیشی، پاکستان تامانیدن طالبان‌گه نسبتن دیپلوماتیک بیر باسیم بۉلیشی تاکیدلنماقده دیر.
ایتیش کېرە‌ک که مذکور ییغین بوندن ایلگری ایریم بیر سبب‌لر باعث کیچیکتیریلگن اېدی و حاضر باشلنیب، اېرتە هم دوام اېتیشی ریجە‌لشتیریلگن.
