اتلانتیک کېنگشی یقین‌ده بیر حسابات نشر قیلیب، افغانستان‌ده‌گی اویغورلر داعش گروهی‌گه قوشیلیشی ممکن دېب، آگاه‌لنتیرگن.
بو کېنگش تامانیدن نشر اېتیلگن حسابات‌نی ادعا قیلیشیچه، افغانستان‌ده اویغورلر حضوری و فعالیتی خصوصیده چین طالبان‌گه باسیم کېلتیریشی، اولر داعش گروهی‌گه قوشیلیشی اوچون زمینه یره‌تگن.
شونینگدېک مذکور حسابات‌ده، داعش گروهی بو مساله‌دن فایده‌لنیب، افغانستان‌ده حضوری بۉلگن اویغورلرنی اۉز صفی‌گه قوشیلیشی اوچون ترغیب اېتماقده دېب بیلدیریلگن.
ایتیش کېره‌ک که چین حکومتی‌گه قرشی بۉلگن شرقی تورکستان حرکتی‌نینگ کۉپلب اعضالری افغانستان‌ده حضوری بارلیگی اَیتیله‌دی و بو مساله‌نی بوندن ایلگری اوشبو حرکت اعضالری‌دن بعضی‌لری اۉزبېک تی‌وی بیلن بۉلگن صحبت‌لریده تصدیق‌لگن اېدی.
اویغورلردن تشکیل تاپکن اوشبو گروه اعضالری شوندی بیرحالده افغانستان‌ده حضوری بارلیگی اَیتیلماقده دیر که اۉتگن تۉرت ییل دوامی‌ده، طالبان و چین‌نینگ اۉرته‌سیده‌گی یخشی مناسبت سبب، اولر چین‌گه قرشی هیچ قنده‌ی حرکت قیلالمه‌گن و شو سبب اۉز غایه‌لریدن بیراز اوزاق‌لشگن.
