رویترز اخبارات آژانسی تامانیدن نشر اېتیلگن خبرگه کۉره، اسراییل حربی‌لری غزه تامان یۉل آلگن انسان‌پرورلیک یاردملری یوکلنگن کیمه‌لردن، ۳۹ ته‌سینی تۉخته‌تیب قویگن.
بو حقده نشر اېتیلگن خبرنی بیلدیریشیچه، اسراییل حربی‌لری مذکور کیمه‌لرگه باستیریب کېریب، انسان‌پرورلیک یاردملرنی ییتکزیشگه اولگوره‌یاتکن فعاللرنی قۉلگه آلگن.
ایتیلیشیچه دنیا تورلی مملکتلریدن بۉلگن بو فعاللر اسراییل چیگره‌لری تامان کوچیریلگن.
اسراییل تامانیدن صمود کاروانی دایره‌سیده‌گی اۉنلب کیمه تۉخته‌تیلگن بۉلسه‌ده بیراق بو کیمه بعضی بیرانته‌سی هلی هم اسرییل تهدیدلریگه تَن بېرمه‌ی غزه تامان کېته‌یاتکنی معلوم قیلینگن.
ایتیش کېره‌ک که دنیا تورلی مملکتلریدن بۉلگن فعاللر، صمود ناملی کاروان دایره‌سیده غزه‌گه انسان‌پرورلیک یاردملر ییتکزیش اوچون یۉلگه توشگن.
بو فعاللر حرکتی برابریده، اسراییل تامانیدن توسیق‌لیک یره‌تیلیشی کۉپلب تنقیدلرنی اۉرته‌گه آلیب کېلگن.
