امریکا قوشمه ایالتلری‌نینگ جمهور باشلیغی دونالد ترامپ تامانیدن غزه اوروشی یکونلنیشی مقصدیده تیارلنگن تینچ‌لیک ریجه‌سی، حماس گروهی تامانیدن تصدیق‌لنگنی خبر قیلیندی.
دونالد ترامپ حماس گروهی بو قراری خصوصیده بیر ویدیو بیانات چیقاریب، بو مساله خصوصیده، واسطه‌چیلیک قیلگن تورکیه و قطر کبی مملکتلردن منتدارچیلیک بیلدیرگن.
امریکا جمهور باشلیغی اوشبو قرار بیلن یقین شرق‌ده تینچ‌لیک تامین‌لنیشی یقین‌لشگنینی معلوم قیلدی.
ترامپ بیاناتیده، حماس گروهی بو قرارینی تینچ‌لیک اوچون تیارگرلیک بهالب، اسراییل‌دن هجوملرینی تۉخته‌تیشینی سۉره‌گن.
ایتیش کېرهک که دونالد ترامپ‌نینگ ۲۰ ماده‌دن عبارت بۉلگن اوشبو ریجه‌سیده، غزه‌ده تینچ‌لیک تامین‌لنیشی و اسیرلر آزاد اېتیلیشی نظرده توتیلگن.
حماس گروهی غزه‌ده اسراییل هجوملری تۉخته‌تیلیشی شرطی بیلن بو ریجه‌نی تصدیق‌لگنی اَیتیله‌دی.
دیمک بوندن ایلگری، غزه‌ده تینچ‌لیک تامین‌لنیشی مقصدیده بۉلگن اینتیلیش‌لر موفقیت‌سیزلیککه اوچره‌گن.
