بدخشان ولایتی اخبارات و مدنیت ریاستی تامانیدن نشر اېتیلگن معلومات‌گه کۉره، بو ولایت‌نینگ خاش تومنی‌ده جایله‌شگن «کج‌گردن» حدودیده، تاریخی بیر غار تاپیلگن.
بو حقده نشر اېتیلگن معلومات‌لر، اوشبو غار تاریخی اسلام‌دن ایلگری دورلرگه باغلیق بۉلیب، کمیده بیش عصر قدامت‌گه ایگه بۉلیشی ممکنلیگی اَیتیلگن.
ایتیلیشیچه اهالی توپراق‌دن قوریلیش مقصدیده فایده‌لنیش اوچون، بیر تیپه‌لیک‌نی قازه‌یاتکن اېکن که بو غار تاپیلگن.
غار ایچیدن سفال بویوملری و تاش‌دن بۉلگن شمع‌دانلر هم تاپیلگنی اَیتیله‌دی.
بدخشان ولایتیده طالبان اخبارات و مدنیت ریاستی، بو موضوع اخبارات و مدنیت وزیرلیگی بیلن شریک اېتیلگنینی بیلدیریب، یقین‌ده زمانه‌وی اوسکونه‌لر یاردمی‌ده بو تاریخی مکان تیکشیریلیب، مملکت‌نینگ تاریخی یادگارلیکلری رویخطی‌گه کیریتلیشینی هم معلوم قیلدی.
دیمک بو تاریخی مکان، بدخشان ولایتی اهالی‌سیدن بیرینینگ شخصی ییری‌ده تاپیلگن.
