طالبان سۉزلاوچیسی ذبیح الله مجاهد «اسکای‌نیوز» بیلن اۉتکزگن صحبتیده، بو حاکمیت تامانیدن هیچ قچان بگرام هوا قونلغه‌سی امریکا اختیاریده قۉییلمسلیگینی بیلدیرگن.
دیمک بو مساله شوندی بیرحالده بیان اېتیلماقده دیر که بوندن ایلگری، امریکا جمهور باشلیغی دونالد ترامپ، بو حربی بَزه‌ده امریکا حضورینی تاکیدلب، بو خصوصده طالبان بیلن سۉزلشوو اۉتکزیلیشینی بیلدیرگن اېدی.
طالبان سۉزلاوچیسی هم امریکا بیلن بۉلگن سۉزلشوولرنی تصدیق‌لگن. بیراق ایتیشیچه بو سۉزلشوولرده کابلده امریکا ایلچی‌خانه‌سی و واشنگتن‌ده افغانستان ایلچی‌خانه‌سی آچیلیشی تیکشیریلگن.
عینی حالده طالبان سۉزلاوچیسی افغانستان‌ده قیزلر اۉقیش‌گه قیتیشی ممکن‌لیگی حقیده هم بو تۉغریده هیچ بیر وعده بېرالمسلیگینی بیلدیرگن.
شونینگدېک طالبان سۉلاوچیسی بوندن بیر نیچه کون ایلگری، افغانستان‌ده انترنت و تۉلیق علاقه‌لر اوزیلیشی‌گه نیمه سبب بۉلگنی خصوصیده هم آچیق‌لیک بېرمه‌گن.
ایتیش کېره‌ک که سونگی وقتلرده، افغانستان‌نینگ بگرام قونلغه‌سی خصوصیده بحث‌لر جدی‌لشگن.
امریکا بو قونلغه‌گه قیتیشگه قیزیققنی آرتیدن، جدی مناسبت‌لر اۉرته‌گه کېلیب، بوگون مسکوده، روسیه، چین، ایران و پاکستان رسمی‌لری هم بو خصوصده اوچره‌شیشلری خبر قیلینگن اېدی.
