بوگون اکتبر آیی‌نینگ ۷ – سی غزه اوروشی باشلنیشی ییللیگی بیلن ماس دیر.
میلادی ۲۰۲۳ – ییل باشلنگن اوشبو اوروش اۉتگن ایکی ییل دوامی‌ده قانلی بیرحالده دوام اېتیب کېلگن.
حاضرگچه اوشبو اوروش نتیجه‌سیده ۶۸ مینگ‌گه یقین انسان جان بېرگن و اۉنلب مینگ کیشی هم یره‌لنگن.
غزه اوروشی یکونلنیشی مقصدیده حاضرگچه بۉلگن سعی‌وحرکتلر نتیجه بیرمه‌ی اسراییل خلق‌ارا تنقیدلرگه اعتبار بېرمسدن، اۉز قانلی هجوملریگه دوام بېریب کېلماقده دیر.
بیرلشکن ملتلر تشکیلاتی باش آنتونیو گوتریش، غزه اوروشی ییللیگی مناسبتی نشر قیلگن بیاناتیده، غزه‌ده دوام اېتیب تورگن وضعیت تیزلیک بیلن یکونلنیشینی سۉره‌گن.
بو طلب شوندی بیرحالده دیر که اۉتگن ایکی ییل دوامی‌ده، بیرلشکن ملتلر تشکیلاتی‌نینگ کۉپلب طلب‌لریگه قرشی اسراییل نه فقط اوروش‌نی تۉخته‌تیشگه تیار بۉلگن بلکه عکسینچه هجوملرینی کینگه‌یتیریب، اهالی‌گه نسبتن باسیملرنی عملگه آشیرگن.
اسراییل باسیملری طفیلی ایکی ییل دوامی‌ده، غزه‌ده آغیر آچلیک وضعیت یوز بېریب، کۉپلب کیشی اینقسه بالهلر و عیاللر آچ‌لیکدن هم جان بېرگن.
اسراییل‌نینگ غزه‌ده هجوملری دوام اېتر اېکن، بو وضعیت دنیا بویلب کینگ ناراضلیکلرگه سبب بۉلگن و دنیا تورلی مملکتلری اینقسه غربی مملکتلر وطنداشلری ناراضلیک نمایشلر اۉتکزیب، بو اوروش تیزلیک بیلن یکونلنیشینی سۉره‌گن.
غزه اوروشی باشلنیشی ییللیگی شوندی بیرحالده ییتیب کېلگن که بوگون اېرته‌لب، مصرنینگ شرم الشیخ شهریده مذکور اوروش یکونلنیشی مقصدیده بۉلگن تینچ‌لیک مذاکره‌سی‌نینگ بیرینچی باسقیچی ایجابی یکونلنگنی خبر قیلیندی.
