خلق‌ارا یېتکیرمه‌لر تامانیدن نشر اېتیلگن خبرلرگه کۉره، اسراییل حکومتی اېرته چهارشنبه ۲۳ – میزان، غزه‌گه انسان‌پرورلیک یاردملر ییتکزیله‌یاتکن مهم یۉللردن بۉلمیش رفح چیگره‌سینی باغلب قوییشی ممکن دیر.
ایتیلیشیچه اسراییل بو قرارنی، حماس گروهی تامانیدن اۉتگن ایکی ییل دوامی‌ده جان بېرگن اسراییل‌لیک اسیرلر پیکری تاپشیریلمس‌لیگی سبب، آلماقده.
رویترز، بی‌بی‌سی و اسراییل یېتکیرمه‌لری بو حقده نشر قیلگن خبرلریده، اوشبو مساله‌نی اعلام قیلگن.
بو یېتکیرمه‌لر گزارشی‌گه کۉره، حماس گروهی تامانیدن حاضرگچه یالغیز تۉرت پیکر اسراییل‌گه تاپشیریلگن. بیراق هلی ایریم اسیرلر جسدلری قالگنی اَیتیلماقده دیر.
ایتیش کېره‌ک که حماس گروهی، بوندن ایلگری اسراییل‌لیک برچه تیریک اسیرلرنی آزاد قیلگن اېدی.
اسراییل تامانیدن رفح یۉلی باغلنیشی، غزه‌گه انسان‌پرورلیک یاردملر ییتکزیلیشی برابریده جدی معما یره‌تیشی ممکن دیر. حال بو که آتیش-کېسین کېلیشووی اساسیده بو یۉل آچیق قالیشی کېره‌ک دیر.
