اسراییلنینگ غزهده اویوشتیرگن هجوملری قربانلری ینه بیربار خواطرلی درجهده کۉپهییب اوشبو هجوملر نتیجهسیده ۸۱ کیشی جان بېریب و ۴۰ دن آرتیق کیشی یرهلنگنی تصدیقلندی.
بو حقده نشر اېیتلگن خبرلرگه کۉره، اسراییل بو هجوملری نتیجهسیده جان بېرگنلر ایچیده کمیده ۳۰ باله و ۷ عیال هم موجود دیر.
شونینگدېک غزه ساغلیق خادملری، هجوملر قربانلری سانی آشیشینی هم معلوم قیلگن.
غزه ساغیقنی سقلش ادارهسی مسووللری تامانیدن نشر اېتیلگن خبرلرگه کۉره، اوشبو هجوملر نتیجهسیده یرهلنگن اۉنلب کیشی اینقسه بالهلر آغیر احوالده دیر. شو سبب هجوم نتیجهسیده وفات اېتگنلر سانی آشیشی ممکن دیر.
عینی حالده اسراییل حربیلری بو هجوملردن کېین، آتیش-کېسین کېلیشوو قیته دوام اېتگنینی هم اعلام قیلدی.
اسراییل حماس گروهینی، آتیش-کېسین کېلیشوویگه ضد حرکت قیلگنلیکده عیبلب بو هجوملرنی اویوشتیرگن اېدی. حاضر آتیش-کېسین اعلام قیلیب، بو کېلیشوو بوزیلگن تقدیرده قیته هجوم اویوشتیریشی ممکنلیگیدن آگاهلنتیردی.
ایتیش کېرهک که امریکا جمهور باشلیغی دونالد ترامپ هم، آتیش-کېسین برقرار دېب معلوم قیلگن اېدی.
