افغانستان‌نینگ مزارشریف شهریده، حضرت امیرعلیشیر نوایی یادگارلیگی قیته قوریلیشی خصوصیده، اۉزبېک تی‌وی بوگون آقشم نشر قیلگن گزارشی، اۉزبېکستان تشقی ایشلر وزیرلیگی مناسبت‌نی اۉرته‌گه آلیب کېلدی.
اۉزبېک تی‌وی اوشبو گزارشینی، اۉزبېکستان‌لیک «قلمپیر-اوز» یېتکیرمه‌سی آلیب، بو خبر بیلن اۉزبېکستان تشقی ایشلر وزیرلیگی مطبوعات کاتبی احرار برهان‌اف‌دن، نوایی حضرتلری هیکلی قیته برپا اېتیلیشی خصوصیده، طالبان وعده‌سی نیمه بۉلگنینی سۉره‌شگن.
اۉزبېکستان تشقی ایشلر وزیرلیگی مطبوعات خذمتی بو خصوصده ایتیشیچه، طالبان نوایی حضرتلری شرفیگه بغیشلب یادگارلیک مجموعه قوریش‌نی وعده بېرگن و بو لایحه عملگه آشیریلیشی انیق دیر.
قلمپیر-اوز نشری بو خصوصده یازیشیچه “قلمپیر-اوز مذکور مساله/اۉزبېک تی‌وی گزارشی‌گه آیدین‌لیک کېریتیش مقصدیده، اۉزبېکستان تشقی ایشلر وزیرلیگی مطبوعات کاتبی احرار برهان‌اف بیلن باغلندی.”
اۉزبېکستان‌نینگ ایشانچ‌لی اخبارات گزیته‌لریدن بۉلمیش «قلمپیر-اوز» نشری‌نینگ یازیشیچه، اۉزبېکستان تشقی ایشلر وزیرلیگی مطبوعات کاتبی، نوایی یادگارلیگی قوریلیش لایحه‌سی خصوصیده قوییده‌گیچه جواب بېرگن.
“یادگارلیک بۉله‌دی، بو انیق. افغان تامانی بیلن اوشبو مساله کېلیشیلگن و بو کېلیشوو اۉز کوچی‌ده.” دېگن احرار برهان‌اف.
ایتیش کېرهک که اۉزبېک تی‌وی سونگی کونلرده، تاریخی‌میز و مدنیت‌میزنینگ ییریک سیماسی خاطرهسیگه بغیشلب برپا اېتیلیشی وعده قیلینگن مزارشریف‌ده‌گی لایحه‌نی یقین‌دن تیکشیریش اوچون اولگوردی.
بو جای‌گه باریب تیکشیرگن اۉزبېک تی‌وی منبع‌لری، هیکل یۉق اېتیلگن تۉرت یۉللیک اطرافی «یشیل لتته» بیلن اوره‌لگن. بیراق ایچیده قوریلیش ایشلری دوامی بارمی یا یۉق می؟ بیللی اېمس دېب معلومات آلیب کېلدی‌لر.
