خلق‌ارا چیگره بیلمس خبرچیلر تشکیلاتی بیر حسابات نشر قیلیب، طالبان رهبری هیبت الله آخندزاده شامل ۳۴ دولت رهبری و تانیقلی انسان‌نی سۉز ایرکین‌لیگی هجومچی‌لری دېب اعلام قیلدی.
بو حقده نشر اېتیلگن حساباتدە، تورک دنیاسیدن تورکیه جمهور باشلیغی رجب طیب اردوغان و آذربایجان جمهور باشلیغی الهام علی‌اف، آتی هم کۉرینه‌دی.
شونینگدېک اسراییل باش وزیری بنیامین نتنیاهو، روسیه جمهور باشلیغی ولادیمیر پوتین، چین جمهور باشلیغی شی جین پینگ، ایران مذهبی رهبری آیت الله خامنه‌ای، بلاروس جمهور باشلیغی الکساندر لوکاشنکو، ارجنتاین جمهور باشلیغی خاویر میلی، سعودی عربستان ولیعهدی محمد بن سلمان، ونزولا جمهور باشلیغی نیکولاس مادورو، مجارستان جمهور باشلیغی ویکتور اوربان، اسلواکی باش وزیری رابرت فیتسو، صربستان جمهور باشلیغی الکساندر ووچیچ و شونگه اوخشس باشقه بیر قنچه دولت رهبرلری هم بو رویخط‌ده جای آلگن.
رویخط‌ده ایلان ماسک کبی ایریم تانیقلی و بای انسانلر هم موجود دیر.
بو شخص‌لر اۉتگن بیر ییل ایچیده، ژورنالیست‌لر فعالیتی‌گه قرشی ییریک چیکلاو یره‌تگن انسانلر دېب بیلینگن.
دیمک اوشبو رویخط، خلق‌ارا چیگره بیلمس ژورنالیست‌لر تشکیلاتی تامانیدن ۲- نوامبر «ژورنالیست‌لرگه قرشی صادر اېتیلگن جنایت‌لر جزاسیز قالیشیگه قرشی کوره‌ش خلق‌ارا کونی» مناسبتی بیلن نشر بۉلینگن.
