طالبان ساغلیقنی سقلش وزیرلیگی تامانیدن نشر اېتیلگن معلوماتگه کۉره، سمنگان ولایتی ساغلیقنی سقلش اداره‌سیگه بیر میلیون و ایکی یوز مینگ افغانی ارزشی‌گه ساغلیق یاردملری تاپشیریلگن.
بو حقده نشر اېتیلگن معلومات‌نی بیلدیریشیچه، اوشبو یاردم ۶۳ تورده‌گی دارو-درمانلردن عبارت بۉلیب، سمنگان ولایتیده سونگی زلزله‌دن زیان کۉرگنلر احوالیگه ییتیش مقصدیده ترقه‌تیله‌دی.
اوشبو یاردم کانادا همکارلیگیده، آغاخان جمغرمه‌سی تامانیدن تیارلنیب، سمنگان ساغلیق مسووللریگه تاپشیریلگن.
ایتیش کېره‌ک که افغانستان شمال و شمال شرقی حدودلریده سونگی زلزله‌دن اینگ کۉپ زیان سمنگان خلقی‌گه ییتیشگن.
بو ولایت‌دن منبع‌لرنینگ اۉزبېک تی‌وی گه ایتیشیچه، زلزله‌دن بیر هفته اۉتگن بۉلسه‌ده بیراق حاضرگچه اولرگه ییترلیچه یاردم ییتکزیلمه‌گن.
