خلق‌ارا یېتکیرمه‌لر تامانیدن نشر اېتیلگن معلوماتلرگه کۉره، بوگون سه‌شنبه دنیا بازارلریده آلتین/طلا نرخی یوقاری درجه‌گه آشگن.
ایتیلیشیچه بوگون اېرته‌لب‌دن آسیا بازارلری باشلنیشی بیلن، آلتین نرخی ۴ مینگ و ۱۴۲ دالر و ۹۲ سنت‌گه کوتاریلگن.
اوشبو نرخ آشیشی، دنیاده آلتین ساتیب آلیش بۉییچه طلب‌لر ۰.۷ فایز کوتاریلگنی آرتیدن روی بېرماقده دیر.
ایتیش کېره‌ک که آلتین نرخی بیربار کوتاریلگندن کېین سونگی اوچ هفته ایچیده بیرازگینه پسه‌یگن اېدی. حاضر اېسه بوگون‌دن باشلب ینه‌ده کوتاریلگن.
دنیاده آلتین نرخی آشیشینینگ اساسی سببی هم امریکا قوشمه ایالتلری مرکزی بانکی‌نینگ سونگی سیاست‌لری دېب قید اېتیلماقده.
امریکا مرکزی بانکی سونگی سیاست‌لری سبب، دنیا اهالیسی آره‌سیده آلتین ساتیب آلیش اوچون طلب‌لر کۉپهیگن و بو اېسه آلتین نرخی سیزیلرلی درجه‌ده آشیشیگه سبب بۉلگن.
