بیرلشگن ملتلر تشکیلاتی‌نینگ آزیق-آوقت و ایکینچیلیک تشکیلاتی (فائو) و بوتون جهان آزیق-آوقت دستوری ینگی حسابیده “آچرچیلیک‌نینگ معمالی نقطه‌لری” دېب اته‌گن و شونینگدېک، افغانستان، کنگونینگ دیموکراتیک جمهوریتی، میانمار، نیجریه، سومالیا و سوریه کبی مملکتلر “جوده خواطرلی” آچرچیلیک حالتیده اېکنینی تٱکیدلگن.
حساباتده شونینگدېک، هایئتی، مالی، فلسطین، جنوبی سودان و یمن کبی مملکتلر هم یقین کېله‌جکده “فاجعه‌لی آچرچیلیک تهدید” بیلن یوزلشه‌یاتگنینی ایتیب اۉتگن.
اوشبو حساباتگه کۉره، بورکینافاسو، چاد، کنیا و بنگله‌دیشده‌گی روهینگیا مهاجرلری‌نینگ حالتی هم دنیاده‌گی “آزیقلنیش خوفی نقطه‌لری”دن حسابلنه‌دی.
بیرلشگن ملتلر تشکیلاتی‌نینگ آزیق-آوق و ایکینچیلیک تشکیلاتی و بوتون جهانده آزیق-آوقت دستوری بو ۱۶ مملکتده آزیق-آوقت خوفسیزلیگی حالتی‌نینگ کېسکین‌لشه‌یاتگنینی و باشقه میلیون‌لب آدملرنی قشاقلیک یکه آچلیک خوفی آستیده بۉلیشی ممکنلیگینی آگاه‌لنتیردی.
ایکی تشکیلات‌نینگ معلوماتلریگه کۉره، بو ۱۶ مملکت‌نینگ ۱۴ ته‌سیده اوروش و زۉروانلیک آچرچیلیک‌نینگ اساسی سببلری حسابلنه‌دی.
حساباتده شونده‌ی ایتیلگن: “بودجه‌نینگ کېسکین اېتیشمسلیگی فوق‌العاده یاردمنی فلج قیلیب، آزیق-آوقت تقسیماتی‌نینگ کمه‌یشگه و ضعیف گروه‌لرنینگ آزیق-آوقت‌گه کیریش امکانیت‌لری‌نینگ چېکلنیشگه آلیب کېله‌دی؛ مهاجرلرگه آزیق-آوقت یاردمی قیریلیب بارماقده”.
