اۉزبېک تی‌وی گه کمیده ایککی ایشانچلی منبع‌نینگ یوبارگن معلوماتیگه کۉره، فرخنده ناملی اصلی تخارلیک بیر کیلین کابلده، سِرلی و شفقت‌سیز حالده اۉلدیریلگن.
بو حقده نشر اېتیلگن معلومات‌نی بیلدیریشیچه، ۱۷ یاشر فرخنده بیر-یریم آی ایلگری تخار ولایتی چاه تومنی بای‌لریدن بیری حاجی ملنگ نامی بیلن تانیلگن احسان الله ناملی شخص‌نینگ اۉغلی عمادالله بیلن تورموش قورگن اېکن که بوندن ایککی کون ایلگری کابلده اۉلدیریلگن.
ایتیلیشیچه فرخنده‌نینگ جسدی کابل‌نینگ گلبهار سنتر حدودیده تورموش اورتاغی عایله‌سی اویی یقینی‌دن تاپیلگن.
بو حقده اۉزبېک تی‌وی بیلن شریک اېتیلگن معلوماتده، فرخنده عایله‌وی جنجللر باعث اۉلدیریلگنی تاکیدلنیب، اونینگ جسدی عدلی طبیات‌گه تیکشیریلیشی آلدی آلینگنی بیلدیریلگن.
شونینگدېک فرخنده‌نینگ ایناغه‌سی، حاجی ملنگ‌نینگ تخار ولایتی چاه آب تومنی‌ده‌گی آلتین ایشلب چیقاریش کمپنیه‌سیده ایشله‌گنی و شو سبب اونینگ عایله‌سی اوستیده باسیم کېلتیریلگنینی بیلدیره‌دی بو حقده معلومات یوبارگن اۉزبېک تی‌وی منبع‌لری.
حاضرگچه طالبان تېگیشلی اداره‌لری بو حقده بیران تفصیلات بېرگن اېمس.
