سویسدهگی افغانستان اېلچیسی نصیراحمد اندیشه، افغانستان سۉز اېرکینلیگی جهان سمپوزیمیده عاموي اخبارات واسطهلرینی طالبان قرشیسیدهگی «آخرگی سنگر» دېب صفت بېردی.
اندیشه جمعه کونی 30 – عقرب، برلین شهریده اۉتکزیلگن اوشبو سمپوزیمده: «مستقل یېتکیرمه یۉق بۉلیشگه قرشی آخرگی قلعهدیر و حقیقتنی جهان اهلیسی قولاغیگه یېتکزهدی»
اونینگ ایتیشیچه، تبعیددهگی افغانستان عامهوی اخبارات واسطهلری مملکتدهگی وضعیت نینگ 70 فایز مستقل یاریتیلیشینی تأمینلهیدی.
او قۉشیمچه قیلیب دېدی: «بو عامهوی اخبارات واسطهلری امیدسیزلیکنی قید اېتووچیلر اېمس، بلکه جوابگرلیک معمارلری حسابلنهدی. اولرگه کۉرستیلهدیگن خلقارا یاردم انسان حقلریگه بۉلگن حقیقي صداقتیمیز نینگ مېزانیدیر.»
«طالبان بوگوننی بۉغیب قۉییشی ممکن، اما کېلهجکنی چېکله یآلمهیدی. کېلینگ، جسور بۉلهیلیک و اېرکین مطبوعات افغانستان نینگ دېموکراتیک، عادل و برقرار کېلهجگی سری یۉلنی یاریتیشیگه امکان بېرهیلیک او یېرده انسان حقلری فیلترسیز حقیقت توپراغیده گُللهسین.»
افغانستان سۉز اېرکینلیگی جهان سمپوزیمی برلین (جرمني) شهریده افغانستان مطبوعاتینی قۉللب-قوّتلش تشکیلاتی تامانیدن اۉتکزیلیب، مملکتدهگی سۉز اېرکینلیگی حالتی بحث قیلیندی.
اوشبو تشکیلات اۉز ییغیلیشیده تدقیقات نتیجهلرینی اعلام قیلیب، سۉنگی تۉرت ییل ایچیده افغانستانده 550 دن آرتیق حقوق بوزرلیک و زۉرآورلیک، شونینگدېک، طالبان تامانیدن قۉللنگن 25 دن آرتیق چېکلاوچی فرمان قید اېتیلگن دېب معلوم قیلدی
