« وانگ فوک کورت» یشش-جای مجموعهسیدهگی هلاکتلی یانغینده هلاک بۉلگنلر سانی 146 نفرگه یېتدی.
اسوشیتدپرس یکشنبه کونی 30- نوامبر خبر بېریشیچه، تېرگاوچیلر مذکور مجموعهنی تېکشیریشنی دوام اېتتیریب، کویگن بنالردن ینه کۉپراق جسدلرنی تاپگن.
هانگ کانگ رسميلری نینگ ایتیشیچه، سۉنگی قیدیروولرده یشش-جای بنالریدن ینه 30 ته جسد تاپیلگن.
خبرگه کۉره، تاپیلگن جسدلر آرهسیده 12 تهسی ایلگری تاپیلگن بۉلسه-ده، کیملیگینی انیقلب بۉلمهگن، شونینگدېک، 100 کیشی هلیگهچه بېدرَک یۉقالگن و 79 کیشی جراحتلنگن.
چهارشنبهدن جمعهگچه دوام اېتگن بو یانغین سۉنگی ییللرده هانگ کانگده یوز بېرگن اېنگ هلاکتلی یانغینلردن بیری صفتیده بهالنماقده.
کېچه هانگ کانگ یېتکچیسی جان لی و باشقه رسميلر و دولت خدمتچیلری بیلن بیرگه واقعه قربانلریگه حرمت بجا کېلتیریش مقصدیده قاره کییم کيیب چیققن، مملکت بیراقلری اېسه یریم اوستونگه توشیریلگن.
