طالبان معلوماتیگه کۉره، اۉتکن کونی تورلی چېگره اۉتیش جایلری آرقهلی جمعی 913 عایله یعنی 4 991 نفر کیشی افغانستانگه قَیتریلگن.
طالبان سۉزلاوچیسی اۉرینباسری حمدلله فطرت بوگون یکشنبه کونی، 23- قوس بیلدیریشیچه، اوشبو عایلهلردن 533 تهسی تورخم چېگرهسی آرقهلی مملکتگه کیریب کېلگنینی ایتدی.
اونینگ قۉشیمچه قیلیشیچه، اولردن 394 عایله تورخم آرقهلی ننگرهار، کنر، لغمان و کابل ولایتلریگه کېلگنلر.
خبرنامهگه کۉره، 256 عایله قندهاردهگی سپین بولدک چېگره اۉتیش یۉلی آرقهلی، 71 عایله هلمنددهگی چېگرهسی و 19 عایله اېسه اسلام قلعه چېگرهسی آرقهلی مملکتگه قَیتگنلر.
بو آرهده، ایران و پاکستان کبی قۉشنی دولتلردن افغانستانلیک قاچقینلرنی چیقریب یوباریش جریانی کوچیگن بۉلیب، هر کونی اۉنلب عایله چېگره آرقهلی افغانستانگه قَیتریلماقده.
