چین تشقی ایشلر وزیری وانگ یی ، یقین شرق مملکتلرینی پېکین بیلن اېرکین سودا بیتیمینی یکونلشگه چقیردی.
چین تشقی ایشلر وزیرلیگی بوگون دوشنبه، 14- دسمبر اعلام قیلگن بیاناتیده «بیر تمانلمهچیلیک»که اشاره قیلیب، چین بیلن اېرکین سودا بۉییچه اوزاق دوام اېتگن مذاکرهلر یکونیگه یېتیشی کېرهکلیگینی بیلدیردی.
چین تشقی ایشلر وزیری یقین شرق مملکتلریگه، جملهدن بیرلشگن عرب امیرلیکلری، سعودی عربستانی و و اردن گه قیلگن سفری چاغیده اوشبو مسألهنی کۉترگن.
او شوندهی دېدی: «مذاکرهلر 20 ییلدن آرتیق دوام اېتدی و برچه جهتلر بۉییچه شرایطلر اساسا تیار؛ اېندی یکوني قرار قبول قیلیش وقتی کېلدی».
چین تشقی ایشلر وزیری، شونینگدېک، مملکتی یقین شرق دولتلری بیلن اقتصادیات، سودا، سرمایه و باشقه ساحهلرده همکارلیکنی چوقورلشتیریشدن منفعتدار اېکنینی ایتدی.
او بوندن آلدینراق بیرلشگن عرب امیرلیکلری تشقی ایشلر وزیری بیلن اوچرهشووده اوشبو مملکت بیلن نفت و گاز ساحهسیدهگی علاقهلرنی مستحکملش ضرورلیگینی تأکیدلهگن.
