طالبان مالیه وزیرلیگی بوگون دوشنبه ۲۴ – قوس بیر بیانات نشر قیلیب، هندوستانلیک بیر قنچه تدبیرکار افغانستانده سرمایه یاتقیزیشگه تیارگرلیک کۉرسهتگنیدن خبر بېردی.
طالبان مالیه وزیرلیگی نشر قیلگن بیاناتیده ادعا قیلیشیچه، هندوستانلیک بو تدبیرکارلر مذکور وزیرلیک اۉرین باسری عبدالمتین سعید بیلن اۉتکزگن اوچرهشوویده بو خصوصده تیارگرلیکلرینی اعلام قیلگن.
ایتیلیشیچه هندوستانلیک بو تدبیرکارلر افغانستان تورلی ساحهلری اینقسه، ساغلیق، ایکینچیلیک همده کانلرنی ایشلب چیقاریش ساحهسیده سرمایه یاتقیزیش اوچون تیار دیر.
عینی حالده هندوستانلیک تدبیرکارلر، افغانستانده کۉز کسلخانهسی یقینده فعالیتگه باشلهشیدن هم خبر بېرگن.
ایتیش کېرهک که طالبان سونگی وقتلرده، پاکستان بیلن علاقهلرینی بوزیب، هندوستانگه یقینلشماقده دیر.
