افغانستان عامهوی اخبارات واسطه لرینی قۉللب-قوّتلش تشکیلاتی « امسو» ژورنالیستلر اوچون عدالت طلب قیلیب، پاریس شهریده نمایش اۉتکزماقده.
تشکیلات بوگون پنجشنبه، 27- قوس معلوم قیلیشیچه، اوشبو یوریش پاکستان و ایران دولتلریده بشردوستانه ویزه کوتهیاتگن ژورنالیستلرنی قۉللب-قوّتلش مقصدیده تشکیل اېتیلگن.
امسو تأکیدلشیچه، طالبان حاکمیتنی قۉلگه آلگنیدن سۉنگ، اوروش، سانسور، تهدید و تعقیبلر سبب کۉپلب افغان ژورنالیستلری مملکتنی ترک اېتیشگه مجبور بۉلگن.
تشکیلاتگه کۉره، بشردوستانه ویزهلر نینگ بېریلمسلیگی ژورنالیستلرنی آغیر و ناانیق وضعیتگه سالیب قۉیماقده.
امسو پاریسده یشاوچی ژورنالیستلر، فعاللر و تشکیلاتلرنی اوشبو نمایشده اشتراک اېتیشگه چقیرگن.
مذکور نمایش اۉنلب افغانستانلیک ژورنالیستلری پاکستان و ایرانده ناانیق احوالده قالهیاتگنی، اَیریملری اېسه افغانستانگه مجبورا قَیتریب یوباریلگن بیر پیتده اۉتکزیلماقده.
