آلمان حکومتی جاری ییلنینگ قالگن کونلریده پاکستاندن آلمانگه مجبوری قبول وعده سیگه اېگه بۉلگن ۵۰۰ نفردن آرتیق افغانستان یشاوچیسینی کۉریشگه حرکت قیلهیاتکنینی اعلام قیلدی.
بو حرکت آلدینراق یوزلب آدملرنی رد جوابینی آلگن بیر پیتده عملگه آشیریلماقده.
آلمان ایچکی ایشلر وزیرلیگی معلوماتیگه کۉره، حاضرده پاکستانده مجبوری قبول وعده سیگه اېگه بۉلگن ۵۳۵ نفر افغانستانلیک قاچقینی موجود بۉلیب، اولرنی جاری ییل قالگن چمهسی ایککی هفته سی ایچیده آلمانگه کۉچیریش رېجه لشتیریلگن.
آلمان ایچکی ایشلر وزیری الکسندر دوبرینت آلمان تحریریت ترماغی( شبکه هیئت تحریریه آلمان ) میدیا گروهیگه بېرگن مصاحبه ده ایتیشیچه، بو شخصلرنینگ ۴۶۰ نفری فدرال قبول دستوری، ینه ۷۵ نفری محللی همکار دستوری دایره سیگه کیرهدی و حاضرده پاکستانده بۉلیب توریبدی.
او شوندی دېدی: “بیز بو مسالهگه امکان قدر تېزراق یېچیم تاپیشگه قیزیقماقده میز و بو باره ده پاکستان رسمیلری بیلن علاقه ده میز”.
دوبرینت، شونینگدېک کۉچیریشلر اساسن دسمبر آییده عملگه آشیریلیشینی بیراق ایریم الاحیده ایشلر ینگی ییلگه قالدیریلیشی ممکنلیگینی تٲکیدلهدی.
آلمان حکومتی فقط گینه حقوقی جهتدن مجبوری بۉلگن قبول وعده سیگه اېگه افغانستانلیک مهاجرلر آلمانگه کۉچیریلیشینی ایتیب اۉتدی
