تورکیه تشقی ایشلر وزیری خاقان فیدان، غزه احوالی خصوصیده بۉلگن ینگی بیاناتیده، اسراییل تامانیدن آتیش-کېسین بوزیلگنیدن تنقید قیلدی.
فیدانگه کۉره، اسراییلنینگ دواملی بو حرکتلری غزهده تینچلیک تامینلنیشی مقصدیده بۉلگن اینتیلیشلرنی قییندلشتیرگن.
تورکیه تشقی ایشلر وزیری، بو مسالهنی امریکانینگ میامی شهری میزبانلیگیده، امریکا، تورکیه، مصر و قطر مملکتلری رسمیلری اوچرهشوویدن کېین تیلگه آلگن.
فیداننینگ آرتیقلشیچه، اوشبو اوچرهشووده غزه احوالی همده بو شهرگه انسانپرورلیک یاردملر یېتکزیلیشی و شهر قیته قوریلیشی مسالهلری حقیده بحث اېتیلگن.
شونینگدېک او، تورکیه هر دایم فلسطینلیکلر مستقللیگی و اولر منفعتیگه بۉلگن حرکتلرنی قوللب-قوتلشینی معلوم قیلدی.
ایتیش کېرەک که امریکا تکلیفی اساسیده، غزهده آتیش-کېسین کېلیشووی امضالنگندن کېین هم اسراییل حربی حرکتلری دوام اېتیب، فلسطینلیکلردن قربانلیک آلگن.
