طالبان سۉزلاوچیسی ذبیح الله مجاهد نینگ ایتشیچه، اۉتگن ییل دوامیده چمهسی ایکی میلیون و سکیز یوز مینگ(۲۸۰۰۰۰۰) نفر افغانستانلیک مهاجر وطنداشلر تشقی مملکتلردن افغانستانگه قیتگن. اونینگ سۉزلریگه کۉره، بو قیتیش جریانی “مناسب یوسینده باشقریلگن”، اولرگه ضرور خذمتلر کورستیلگن و حاضرده قیتیب کیلگنلر اوچون شهرچهلرتقسیملش جریانی دوام ایتماقده.
بیراق، «اۉزبېک تیوی» تمانیدن آلیب باریلگن تېکشیرولر و حساباتلر میدانیدهگی حقیقت اوشبو دورهدن جدی فرق قیلیشینی کۉرستماقده. محلی منبعلر و گواهلرنینگ ایتیشیچه، سابق حربیلرنینگ بیر قسمی مملکتگه کیریشده بایمتریک رویخطدن اۉتکزیلکن. سۉنگ، اولرنینگ ایریملری اۉلدیریلگن، بعضیلری بېدرک یۉقالگن. ینه بیر قسمی اېسه نا معلوم تقدیر بیلن دوچ کېلماقده.
شونینگدېک اۉزبېک تیوی منبعلرینینگ بیلدیریشیچه، یاردملرنی بېریش جریانی عدالتلی بۉلمهگن. پاکستاندن قیتگن مهاجرلر طالبان تمانیدن چادر، یشش جایی و ایریم باشلنگیچ قولهیلیکلر بیلن تامینلنگن بۉلسه، ایراندن قیتگن مهاجر کۉپلب حالتلرده هیچ قندهی رسمی یاردم آلمسدن قالدیریلگن.
منبعلرگه کۉره، دولت تمانیدن قۉللب-قوتلش یۉقلیگی سبب، محلی اهالی و تورلی ولایتلر اهالیسی شخصی تشبث بیلن، چېکلنگن امکانیتلری دایرهسیده مهاجرلرنی ولایتلرگه کۉچیریش و جایلشتیریشگه یاردم بېرگن. اوشبو حالت مهاجرلرنینگ قیتیشینی عدالتسیز باشقریش همده قیتیب کېلگنلرنینگ، اینیقسه سابق حربیلرنینگ خوفسیزلیگی حقیده جدی خواطرلرنی کوچیتیرماقده.
