هراتدهگی منبعلر خبر بېریشیچه، اوبه اولسوالیگیده بیر اوینینگ تامی قولب توشیشی عاقبتیده بیر عیال و تۉرت باله وفات اېتگن.
منبعلرگه کۉره، اوشبو حادثه کېچه سهشنبه ۹-جدی کوچلی یاغینگرچیلیک سببلی اوبه اولسواللیگینی کبگان قیشلاغیده یوز بېرگن.
قربانلر آرهسیده بیر عیال، ایککی قیز باله و ایککی اۉغیل باله بار. باله لرنینگ یاشی اوچ یاشدن ۱۴یاشگچه بۉلگن. منبعلرنینگ ایتیشیچه، وفات اېتگن عیال اوبه ساغلیقنی سقلش مرکزییده قابله بۉلیب ایشلهگن، اونینگ اېری هم اوشبو مرکزده ایشلیدی.
بو اېر-خاتین اصلیده پشتون زرغون ولسواللیگی اهالیسی بۉلیب، حذمتلری سببلی اوبهده یشب کېلیشگن.
منبعلرگه کۉره، کېچهگی حادثه دن فقط عایلهنینگ اېرکک اعضاسی امان قالگن.
هراتدهگی محللی طالبان رسمیلری حاضرگچه اوشبو حادثه یوزهسیدن ایضاح بېرمهگن.
آلدین هم شونگه اۉخشش حادثهلر یشاوچیلرنینگ حیاتیگه ضامن بۉلگن. مملکت نینگ کۉپلب منطقهلریده اینیقسه قیشلاقلرده، اویلر نا استندرد طرزده قوریلگن بۉلیب، یامغیر، قار و باشقه طبیعی آفتلرگه برداشلی ایمس.
