جینواده افغانستان نینگ نمایندهسی نصیراحمد اندیشه،۲۰۲۵ ییل نینگ طالبان اوچون موفقیتسیزلیکلر و دیپلوماتیک آرقهگه چېکینیشلر ییلی بۉلگنینی ایتدی.
اندیشه جنابلری بوگون پنجشنبه، ۱۱جدی ایکس اجتماعی ترماغیده یازیشیچه، طالبان شو ییل یقین دیپلوماتیک همکارلرینی یۉقاتگن.
او، طالبان نینگ روسيه تامانیدن تن آلینیشینی «تاکتیک و بۉش» دېب اتهدی و قۉشیمچه قیلهدی، هندستان هم اوشبو گروهدن واسطه صفتیده فایدهلنگنینی بیلدیرهدی.
اندیشه جنابلرینینگ ایتیشیچه، خلق ارا و انسان حقوقلری تشکیلاتلریده طالبان «اېنگ خام-حرکتلی حکومت نینگ کاریکاتورسی» صفتیده تن آلینهدی و منطقه دولتلری هم قیسقه مدتلی منفعتلر عوضیگه اوشبو گروه بیلن کېلیشوولر قیلهدیلر.
باشقه تاماندن، طالبان اېسه ۲۰۲۵- ییلده گروه نینگ منطقه و دنیا دولتلری بیلن علاقهلری یخشیلنگنینی دعوا قیلماقده.
اوشبو گروه شونینگدېک روسيه تامانیدن تن آلینیشی بیلن بیرگه، افغانستان اېلچیخانهلرینی بیر نېچه منطقه دولتلریده قۉلگه آلگن و بعضی اروپا دولتلریگه قنسوللیک نمایندهلرینی یوبارگن.
