ایران: امریکانینگ ونزوئلاگه هجومی «ملي حاکمیت و یېر بوتونلیگینی جدّي آیاق آستی قیلیش» دېدی.
اېران تشقی ایشلر وزیرلیگی امریکانینگ ونزوئلاگه هجومینی «جدّي ملي حاکمیت و یېر بوتونلیگینی بوزیش» صفتیده بهالهدی و قارهلهدی.
وزیرلیک بوگون، شنبه، 13 جدی اعلان قیلگن بیاناتیده شوندهی دېگن: «مستقل دولت و بیرلشگن ملتلر تشکیلاتی اعضاسی بۉلگن ونزوئلاگه نسبتاً امریکانینگ حربي تجاوزی منطقوي و خلق ارا تینچلیک و خوفسیزلیکنی جدّي بوزهدی»، و بونینگ عاقبتلری بوتون خلق ارا تیزیمگه تأثیر قیلهدی.
وزیرلیک امریکانینگ ونزوئلاگه بۉلگن ناقانوني تجاوزینی درحال تۉختهتیش برچه دولتلر و خلق ارا تشکیلاتلر، خصوصاً بیرلشگن ملتلر تشکیلاتی و اونینگ خوفسیزلیک کېنگشی ذمّهسیدهگی قانوني و اخلاقي مجبوريت اېکنینی قید اېتدی.
امریکا بوگون اېرتهلب ونزوئلا پایتختی کاراکاسدهگی بیر قطار جایلرگه هجوم قیلگن.
امریکا جمهور رییسی دونالد ترامپ اوشبو هجوملردن سۉنگ ونزوئلا جمهور رییسی نیکالاس مادورو و اونینگ خاتینی حبسگه آلینیب، مملکتدن چیقریلگنینی اعلان قیلگن.
اېران نیکالاس مادورو باشچیلیگیدهگی ونزوئلا حکومتی بیلن یقین اتفاقچی صفتیده تنیلگن.
اېران نینگ یوقاری مرتبهلی رسمیلری بیر نېچه بار کاراکاس گه تشریف بویورگن و ایکّی تامان مملکتلر اۉرتهسیدهگی اقتصادي و سودا علاقهلرینی کېنگهیتیریشگه حرکت قیلگن.
