2025 ییلده آلمانده باشپناه سۉرهش بۉییچه عریضهلر سانی کمهیگنیگه قرهمی، افغانستان یشاوچیلری هلیگچه باشپناه سۉراوچیلری رۉیخطیده بیرینچی اۉرینده قالماقده.
«بیلد» گزېتهسی بوگون یکشنبه، 14 – جدی، اۉتگن ییلده 2024 ییلگه نسبتاً 82 مینگ کم عریضه قید اېتیلگنینی خبر قیلدی.
خبرگه کۉره، اۉتگن ییلده اېنگ کۉپ عریضهلر قوییدهگی مملکتلردن کېلیب توشگن: افغانستاندن 59 مینگ 200 ، سوريهدن 23 مینگ 100 و تورکيهدن 13 مینگ 800 عریضه.
آلمان ایچکی ایشلر وزیرلیگی بو چارهلر ثمرهلی بۉلگنینی و اروپاده یاروغلیک پیامی سیاستی اۉزگرگنی حقیده انیق سیگنال یوبارگنینی تأکیدلهماقده.
آلمان ایچکی ایشلر وزیری الکساندر دوبرینت شوندهی دېدی: «بیز یاروغلیک پیامینی آقیمینی شفّافلیک و قطعیت بیلن باشقرهیپمیز. حمایه آلیش حقوقیگه اېگه بۉلمهگنلر کیریب کېلمسلیگی کېرهک، جنایت اېتگنلر اېسه مملکتدن چیقریب یوباریلیشی لازم.»
شو بیلن بیرگه، آلمان اۉتگن ییلده 83 نفر «جنایتچی» افغانستانلیک باشپناه ایزلاوچینی اۉز مملکتیگه قَیترگن.
