طالبان نینگ «مهاجرلر معمالرینی حل قیلیش کمیسیونی» اعلام قیلیشیچه، اۉتکن کونی یکشنبه، 21-جدی پاکستان و ایران تامانیدن چیقریلگن بیر مینگ 816 نفر مهاجر افغانستانگه قَیتگن.
کمیسیون معلوماتلریگه کۉره، اولر نینگ بیر مینگ 431 نفری پاکستاندن تورخم چېگره یۉلی، 204 نفری اېسه سپینبۉلدک چېگرهسی آرقهلی افغانستانگه قَیتگن.
کمیسیون شونینگدېک، 153 نفر مهاجر ایران تامانیدن پل ابریشم چېگره اۉتیش یۉلی آرقه لی، 28 نفری اېسه اسلام قلعه چېگره دن افغانستانگه کیرگنینی بیلدیرگن.
جاري ییل دوامیده پاکستان و ایران افغانستان مهاجرلرینی چیقریش جریانینی کوچهیتیرگن و 2،5 میلیوندن آرتیق کیشینی چیقریشگه مجبور قیلگن.
خلقارا انسانپرورلیک تشکیلاتلری پاکستان و ایران نینگ افغانستانلیک مهاجرلرینی چیقریش جریانینی بیر نېچه بار تنقید قیلگن و اونی تۉختهتیشینی طلب قیلگن.
شونینگدېک، خلقارا تشکیلاتلرمهاجرلرنینگ تېز و کېنگ مقیاسده قَیتیشی افغانستانده بشردوستانه بحراننی کوچهیتیرهیاتگنینی بیلدیرگن و دنیا جماعهچیلیگی نینگ اعتبارینی جلب قیلگن.
