اسوشیتدپرس اخبارات آژانسی امریکاده جایلشگن ایران انسان حقلری فعاللریگه تهیهنیب خبر بېریشیچه، استارلینک ایرانده بېپول انترنت خدمتینی یۉلگه قۉیگن.
مذکورعاموی اخباراتنینگ یازیشیچه، استارلینکنینگ بېپول خدمتلری چهارشنبه کونی، 14-جنوریده ایرانده فعاللشتیریلگن.
فعاللر: «بیز استارلینک تېرمینهللرینینگ بېپول آبونهسی تۉلیق ایشلهیاتگنینی تصدیقلهیالمیمیز. بونی ایران ایچیده ینگی فعاللشتیریلگن استارلینک ترمینال آرقهلی سیناودن اۉتکزدیک.» دېگنلر.
حاضرچه استارلینک بو بارهده هېچ قندهی رسمي ایضاح بېرمهگن.
بو حالت امریکانینگ جمهور رییسی دونالد ترامپ ایکّی کون آلدین اسپیسایکس کمپنیسی اېگهسی ایلان ماسک بیلن ایرانده استارلینک انترنت خدمتلرینی تقدیم اېتیش مسألهسینی بحث قیلهیاتگنینی ایتگنیدن کېین یوز بېرماقده.
شو بیلن بیرگه، ایران انسان حقوقلری فعاللری گروهی ایراندهگی ناراضیلیک نمایشلری چاغیده هلاک بۉلگنلر سانی 2 مینگ 500 کیشیدن آشگنینی معلوم قیلگن.
بیراق، دونالد ترامپ نمایشچیلردن ناراضیلیکلرنی دوام اېتتیریشنی سۉرب، واشینگتن یاردمی یۉلده اېکنینی تأکیدلهگن.
