طالباننینگ «قاچقینلر معماسینی حل قیلیش بۉییچه کمسیونی»نینگ معلوم قیلشیچه، اوتکن کون سهشنبه، ۲۳- جدی پاکستان و ایراندن چیقاریلگن ۲ مینگ ۱۶۵ نفر قاچقین افغانستانگه کیرگن.
اوشبو کمیسیوننینگ ایتیشیچه، بیر مینگ ۷۶۶ نفر تۉرخم چېگره اۉتیش یۉلی آرقهلی، ۱۹۵ کیشی اسپینبۉلدک اۉتیش یۉلی آرقهلی و ۱۱۹ کیشی بهرامچه چېگره اۉتیش یۉلی آرقهلی پاکستاندن چیقاریلگندن سۉنگ افغانستانگه کېلگن.
طالباننینگ «قاچقینلر معماسینی حل قیلیش بۉییچه کمسیونی»نینگ ینه قۉشیمچه قیلگنچه، ایراندن چیقاریلگن ۵۱ کیشی اسلامقلعه چېگره اۉتیش یۉلی آرقهلی و ۳۴ کیشی پلابریشم چېگره اۉتیش یۉلی آرقهلی افغانستانگه کیریب کېلگن.
بو ییل دوامیده پاکستان و ایران قاچقینلرنی قۉلگه آلیش و چیقاریشنی شدتلشتیرگن. شونینگدېک، ۲.۵ مینگدن آرتیق قاچقیننی افغانستانگه قیتریب یوبارگن.
خلقارا یاردمچی تشکیلاتلرینینگ ایتیشیچه، قاچقینلرنی کېنگ کۉلملی و تېز صورتده چیقاریلیشی افغانستانده بشری بحراننینگ ینه ده کۉپیشیگه سبب بولماقده.
خلقارا تشکیلاتلر پاکستان و ایراندن افغانستان قاچقینلرینی مجبوراً چیقاریشنی و اولرگه قرشی آزار و اذیتلر تۉختهتیلیشینی تیلهگن.
