تایلند پولیسینینگ بیلدیریشیچه، مملکتنینگ شِمال شرقیده یۉلاوچی رېلی اوستیگه قوریلیش کرنی قولب توشیشی عاقبتیده چمهسی ۲۵ کیشی اۉلیب، ینه ۸۰ کیشی یرهلگن.
رویترز خبریگه کۉره، حادثه بوگون اېرتهلب (چهارشنبه، ۲۴ جدی) راتچاسیما ولایتینینگ سیخیو حدودیده صادر بۉلگن.
تایلند پولیسینینگ بیلدیریشیچه، کرن قولهگچ، اوبون راتچاتانی ولایتی تامان یۉلگه چیققن رېلنینگ اوچته واگونیگه اوریلگن.
تایلند ترانسپورت وزیری اوشبو رېلده ۱۸۵ کیشی یۉلاوچی بۉلگنینی، اۉلگنلر اېسه کرن اوریلگن اوچ واگوندن ایکّیتهسی یۉلاوچیلری اېکنینی ایتگن.
مذکور کرن تېزکار تېمیر یۉل لایحهسیده ایشلهیاتگن بۉلیب، رېل حادثه جاییدن اۉتهیاتگن پیتده قولب توشگن و قیسقه مدتلی یانغینگه سبب بۉلگن.
تایلند رسميلری اوشبو حادثهنینگ سببی اۉرگنیلهیاتگنی و تېرگاو ایشلری باشلنگنینی معلوم قیلگن.
