چین تشقی ایشلر وزیرلیگی مطبوعات کاتبی لین جیان ایراندهگی ناراضیلیک نمایشلریگه اشاره قیلیب، پېکین ایران اۉز برقرارلیگینی سقلب قالیشیگه امید قیلهیاتگنینی ایتگن.
او بوگون (چهارشنبه، ۲۴ جدی) بۉلیب اۉتگن مطبوعاتی ییغین آرقهلی، چین برقرارلیکنی سقلب قالیش یۉلیده اېرانگه کمک بېریشینی بیلدیرگن.
چین تشقی ایشلر کاتبی امریکا جمهور باشلیغی دونالد ترامپنینگ تهدیدلریگه تۉختهلیب: «بیز هر دایم باشقه دولتلرنینگ ایچکی ایشلریگه ارهلشیشگه، شونینگدېک، خلقارا مناسبتلرده کوچ ایشلهتیش یاکه کوچ بیلن تهدید قیلیشگه قرشیمیز» دېگن.
او برچه تامانلر یقین شرقده تینچلیک و برقرارلیککه آلیب کېلهدیگن طرزده حرکت قیلیشیگه امید بیلدیرگن.
شونینگدېک، او دونالد ترامپ تامانیدن اېراننینگ سودا همکارلریگه نسبتاً باج تعریفهلری جاری اېتیلیشیگه مناسبت بیلدیریب، «تعریفه اوروشلریده هېچ کیم یوتمهیدی»، دېیدی.
چین و اېران اۉرتهسیدهگی سودا علاقهلریگه اشاره قیلگن حالده، پېکین اۉزینینگ قانوني و اساسلی حقوق همده منفعتلرینی قطعي حمایه قیلیشینی تأکیدلهدی.
دونالد ترامپ اېراندهگی نمایشچیلرنی باستیریشگه جوابا، اېران بیلن سودا علاقهلرینی دوام اېتتیرگن هر قندهی دولت امریکا بیلن بۉلهدیگن هر قندهی سوداده ۲۵ فایضلیک تعریفه تۉلهشیگه مجبور بۉلیشی بیلن تهدید قیلگن.
شونینگدېک، او اېران حکومتینی نمایشچیلرنی «اۉلدیریش» و «قتل اېتیش» حالتلری یوز بېرسه، «قتّيق ضربه» بېریش بیلن هم قۉرقیتگن.
