خوفسیزلیک بیلن باغلیق خواطرلر سبب هندوستان وایتالیا اۉز یشاوچیلریدن علاجی باریچه تېزراق ایراننی ترک اېتیشنی سۉرهدی.
ایتالیا تشقی ایشلر وزیرلیگی بوگون پنجشنبه ، 15-جنوری اعلام قیلگن بیاناتیده ایرانده یشهیاتگن ایتالیالیکلردن امکان قدَر تېزراق اوشبو مملکتنی ترک اېتیشنی طلب قیلدی.
وزیرلیک معلوماتیگه کۉره، حاضرده ایرانده 600 دن آرتیق ایتالیالیک موجود بۉلیب، اولرنینگ اکثریتی تهران شهریده استقامت قیلهدی.
بیاناتده شوندهی دېییلهدی: «منطقهده ایتالیا قوراللی کوچلرینینگ 900 دن آرتیق اعضاسی جایلشگن، جملهدن 500 نفری عراقده و 400 نفری کویتده بۉلیب، او یېرده حربي خادملرنی حمایه قیلیش اوچون احتیاط چارهلر کۉریلگن.»
ایتالیا ایراندهگی زۉرآورلیکلرنی قارهلب، نمایشچیلرنی حمایه قیلیشگه چقیردی.
شو بیلن بیرگه، ایران امریکا نینگ احتمالي حربي هجومی بارهسیدهگی خواطرلر سبب اۉز هوا حدودینی بېش ساعتدن آرتیق وقتگه یاپیب قۉیگن
