بیرلشگن ملتلر تشکیلاتینینگ جمعیتشناسلیک صندیغی افغانستانده جاپان حکومتی طبيعي آفتلردن ضرر کۉرگنلرگه طبي خدمتلر و روحي قۉللب-قوّتلش کۉرسهتیش اوچون 3 میلیون دالر اجرهتگنینی بیلدیردی
مذکور صندیغ بوگون پنجشنبه ، 25-جنوری، اعلام قیلگن بیاناتیده اوشبو مبلغ جاپان نینگ افغانستانگه اجرهتگن 19،5 میلیون دالرلیک یاردمی نینگ بیر قِسمی اېکنینی بیلدیردی.
بیاناتگه کۉره، بو یاردم «افغانستان نینگ چېکّه حدودلریده اجتماعي جهتدن ناچار و آفتلردن ضرر کۉرگن اهالی اوچون سلامتلیک، آنهلر، ینگی توغیلگن چقهلاقلر، بالهلر و اۉسمیرلر سلامتلیگی همده روحي قۉللب-قوّتلش خدمتلرینی مستحکملش» ناملی لایحهنی عملگه آشیریشگه یۉنهلتیریلهدی.
بیاناتده ایتیلیشیچه، اوشبو یاردم نینگ مقصدی لایحه قمرب آلگن بېش ولایتده 210 مینگ کیشیگه، جملهدن عیاللر، اۉسمیر قیزلر، حاملهدار و اېمیزیکلی آنهلر همده بېش یاشگچه بۉلگن بالهلرگه خدمت کۉرسهتیشدیر.
بوندن تشقری، لایحه کمیده 840 نفر معلوللیگی بۉلگن شخصلرنی هم قمرب آلیب، اولرنینگ ضرور طبي خدمتلردن تېنگ اساسده فایدهلنیشینی تأمینلهیدی.
آلدینراق، جهان ساغلیقنی سقلش تشکیلاتی هم جاپان افغانستانده طبي خدمتلر کۉرسهتیش اوچون یاردم آلگنینی معلوم قیلگن اېدی.
