سوريهنینگ مؤقت جمهور رییسی احمد شرع، نوروزنی اوشبو مملکتده ملي بیرم صفتیده رسماً تن آلدی و عمومي دَم آلیش کونی دېب اعلان قیلدی.
شرع جمعه کونی، 16-جنوری چیقرگن فرمانیده نوروزنی بهار و بیردملیک رمزی صفتیده تعریفلهدی.
مذکور فرمانگه کۉره، نوروز کونی عمومي تعطیل دېب بېلگیلنگن و برچه یشاوچیلر اونگه رعایه اېتیشلری شرط.
بو قرار ملي بیرلیکنی مستحکملش همده مدني خیلمه-خیللیکنی رسماً تن آلیش مقصدیده قبول قیلینگن.
شونینگدېک، شرع علیحده فرمان بیلن سوريهلیک کردلرنینگ حقوقلرینی رسماً تن آلدی و ایلک بار کرد تیلینی عرب تیلی بیلن بیر قطارده ملي تیل صفتیده تصدیقلهدی.
فرمانده کرد ملي اۉزلیگی سوريهنینگ ملي ترکیبینینگ بیر قِسمی صفتیده اعتراف اېتیلگن و مکتبلرگه کرد تیلینی اۉقیتیشگه رخصت بېریلگن.
نوروز افغانستان، ایران، تاجیکستان و باشقه اَیریم مملکتلرده قدیمي بیرم و بهارنینگ رمزی صفتیده نشانلنهدی.
