دنیا بۉییچه اینترنتگه کیریش و اولنیش حالتینی کوزهتیب بارووچی « نتبلاکس » تشکیلاتی بوگون اېرتهلب (شنبه، 27 جدی) اعلان قیلگن معلوماتلریگه کۉره، 200 ساعتلیک اوزیلیشدن سۉنگ ایرانده انترنت اولنیشی جوده آز مقدارده قَیته تیکلنگنینی کۉرستماقده.
اوشبو تشکیلات نینگ قۉشیمچه قیلیشیچه، شونگه قرهمی، اینترنت نینگ عمومي اولنیش درجهسی عادتدهگی حالت نینگ تخمیناً ایکّی فایزی اطرافیده قالماقده و اینترنت نینگ سېزیلرلی درجهده قَیته تیکلنیشیگه عاید هېچ قندهی بېلگی یۉق.
ایرانده ناراضیلیک نمایشلری کېنگهیگنیدن سۉنگ، چمهسی بیر هفته آلدین حکومت بوتون مملکت بۉیلب ایترنتنی اۉچیریب قۉیگن اېدی.
ایران تشقی ایشلر وزیری عباس عراقچی خارجي اېلچیلر بیلن اوچرهشووده اوشبو مسألهگه تۉختهلیب، برچه خوفسیزلیک تهدیدلری برطرف اېتیلگنیگه ایشانچ حاصل قیلینمهگونچه اَیریم چېکلاولر سقلنیب قالیشینی ایتگن.
بو سۉنگگی ییللرده ایرانده کوزهتیلگن اېنگ اوزاق انترنت اوزیلیشی بۉلیب، خلقارا تشکیلاتلر بونی انسان حقوقلری نینگ جدّي بوزیلیشی صفتیده بهالهماقده.
شونینگدېک، انسان حقوقلری تشکیلاتلری اینترنت نینگ اوزیب قۉییلیشی یانیده نمایشچیلرگه نسبتاً کېنگ کۉلملی باستیریشلردن خواطر بیلدیرماقده.
