آق اوی جمعه کونی غزهدهگی مؤقت حکومت فعالیتینی نظارت قیلیشی رېجهلشتیریلگن «تینچلیک هیئتی» اعضالرینینگ بیر قِسمینی تنیشتیردی.
رویترز اخبارات آژانسی بوگون شنبه، 27 جدی خبر بېریشیچه، اوشبو هیئت ترکیبیگه امریکا تشقی ایشلر وزیری مارکو روبیو، ترامپ نینگ مخصوص وکیلی استیو ویتکاف، بویوک بریتانیا نینگ سابق باش وزیری تونی بلرهمده ترامپ نینگ کیاوی جرد کوشنرکیرهدی.
خبرگه کۉره، آق اوی اۉتگن ییل نینگ اکتوبر آییده تقدیم اېتگن رېجه اساسیده، دونالد ترامپ اوشبو هیئت رئیسی حسابلنهدی.
اسراییل و حماس ترامپ رېجهسینی قبول قیلگن بۉلیب، اونگه بناءً خلقارا هیئت نظارتی آستیده بۉلگن فلسطینلیک تکنوکرات توزیلمه غزه اۉتیش دوریده باشقریشنی نظارت قیلهدی.
انسان حقوقلری فعاللری و متخصصلر ترامپ نینگ اوشبو هیئت اوستیدن نظارتینی مستعمرهچیلیککه اۉخشش توزیلمه صفتیده بهالهگن.
آق اوی، شونینگدېک، «تأسیس اېتووچی اجرائیه هیئتی» اعضالرینینگ هر بیریگه یوکلهتیلگن وظیفهلر تفصیلاتلرینی اعلان قیلمهگن و تنیشتیریلگن اعضالرنینگ بیرارتهسی هم فلسطینلیک اېمس.
