اسپانیهلیک رسميلر مملکت جَنوبیده ایکّی تېزیورر رېل تۉقنشووی عاقبتیده کمیده۲۴ کیشی جان بېرگن،۷۳ کیشی جراحت آلگنینی تصدیقلهدی.
آناتولی خبر آژانسیگه کۉره، اوشبو حادثه کېچه کوردوبانینگ «آداموز» منطقهسی یقینیده یوز بېرگن.
واقعه مالاگا شهریدن مادرید تامانگه حرکتلنهیاتگن تېزیورر رېل آداموز یقینیده خطدن چیقیب کېتیب، مادریدن «هوئلوا» تامان کېتهیاتگن باشقه رېل بیلن تۉقنهشگن پیتده یوز بېرگن. نتیجهده ایکّینچی رېل هم خطدن چیقیب کېتگن.
اندلس منطقهسیدهگی محلي رسميلر جراحتلنگنلرنینگ۱۵ نفری نینگ احوالی آغیر اېکنینی معلوم قیلگن.
قربانلرنینگ کۉپچیلیگی دَم آلیش کونلریدن سۉنگ مادریدگه قَیتهیاتگن یۉلاوچیلر بۉلگن.
اسپانیا باش وزیری پدرو سانچز فوقالعاده وضعیت بیلن شغللنیش اوچون دوشنبه کونگی سفرینی بېکار قیلگن.
اسپانیا یېتکرمهلری حاضرچه اوشبو حادثهنینگ سببی انیقلنمهگنینی خبر قیلماقده.
بو ۲۰۱۳-ییلدن بویان اسپانیاده یوز بېرگن اېنگ هلاکتلی تېمیر یۉل فلاکتلریدن بیری حسابلنهدی.
۲۰۱۳-ییلده مادریدن گالیسیا تامان یۉل آلگن تېزیورر رېل خطدن چیقیب کېتیب،۷۹ کیشی هلاک بۉلگن،۱۷۹ کیشی جراحت آلگن اېدی.
