لالیگا مسابقهلری دایرهسیده « ریال سوسیداد» فوتبال جماعهسی 2:1 حسابیده تورنیر جدولیده پېشقدم بۉلیب تورگن « بارسلونا»نی مغلوب اېتیب، اوشبو جماعه نینگ 11 ته کېتمه-کېت غلبهدن عبارت سېریسیگه برهم بېردی.
اوچرهشوو یکشنبه کونی کېچقورون، 18-جنوری، سنسباستینده « ریال سوسیداد» نینگ اوی ستدیونیده بۉلیب اۉتدی.
اۉیین یامغیرلی آب-هوا شرایطیده کېچدی و « ریال سوسیداد» « بارسلونا» نینگ تینیمسیز باسیمیگه برداش بېردی.
«ریال سوسیداد» 32-دقیقهده اوچرهشوودهگی ایلک گولنی اوردی
70دقیقهده مارکوس رشفوردنینگ یقین مصافهدن باشی بیلن بېرگن ضربهسی آرقهلی «بارسلونا» حسابنی تېنگلشتیردی.
آرهدن بیر دقیقه اۉتیب، گونسالو گدس « ریال سوسیداد» نینگ ایکّینچی گولینی کیریتدی.
هانسی فلیک باشچیلیگیدهگی «بارسلونا» 49 نمره بیلن همان تورنیر جدولیده یېتکچیلیک قیلماقده و ایکّینچی اۉریندهگی «رئال مادرید»دن اتیگی بیر نمرهگه آلدینده.
