امریکا اوردوسینینگ مرکزي قوماندانلیگی (سنتکام) سوريه شِمالی-شرقیدن داعش محبوسلرینی عراققه کۉچیریش بۉییچه عملیاتنی باشلهگنینی اعلام قیلدی.
سنتکامنینگ معلوم قیلیشیچه، اوشبو ماموریت کېچه (چهارشنبه، 1 دلو) سوريهنینگ حسکه شهریدهگی بیر حبسخانهدن 150 نفر داعش محبوسینی عراقدهگی خوفسیز جایگه کۉچیریش بیلن باشلنگن.
سنتکام بیاناتیده ایتیشیچه، جمعی قریب یېتّی مینگ کیشی داعش محبوسی سوريهدن عراق نظارتیدهگی مرکزلرگه اۉتکزیلهدی.
سنتکام قوماندانی، ادمیرال برد کوپرنینگ ایتیشیچه، داعش محبوسلرینی ترتیبلی و خوفسیز طرزده کۉچیریش هر قندهی قاچیشنینگ آلدینی آلیش اوچون جوده مهم بۉلیب، بوندهی حالتلر امریکا و منطقه خوفسیزلیگیگه بېواسطه تهدید سالیشی ممکن.
او، شونینگدېک، سنتکام منطقوي همکارلر، جملهدن عراق حکومتی بیلن تۉلیق موافقلیکده ایش آلیب بارهیاتگنینی و داعشنی یکوني مغلوب اېتیشده اولرنینگ رۉلینی یوقاری بهالشینی تأکیدلهگن.
سنتکامنینگ بیلدیریشیچه، 2025-ییل دوامیده منطقوي همکارلر بیلن بیرگهلیکده سوريهده 300 دن آرتیق داعش اعضاسی قۉلگه آلینگن و اوشبو گروهنینگ 20 دن آرتیق اعضاسی یۉق قیلینگن.
داعش محبوسلرینی سوريهدن عراققه کۉچیریش ماموریتی سۉنگگی کونلرده سوريهنینگ شرقیدهگی بیر قماقخانهدن 120 نفر داعش اعضاسی قاچیب کېتگنیدن کېین عملگه آشیریلماقده.
