رویترز اخبارات آژانسی اۉز منبعلریگه تهیهنیب خبر بېریشیچه، سوريه کوچلرینینگ کردلر نظارتیدهگی حدودلرده تېزکار آلدینگه سیلجیشی امریکا قۉشمه ایالاتلرینینگ راضیلیگیگه سزاوار بۉلگن.
رویترز بوگون پنجشنبه، 22-جنوری سوريه مؤقت جمهور رییسی احمد شرعنینگ سۉنگگی حربي عملیاتلری مملکتدهگی کوچلر موازنتینی اۉزگرتیرگنینی معلوم قیلگن.
خبرگه کۉره، امریکا سوريهدهگی سابق اتفاقچیسی بۉلگن کردلرگه کۉرستیب کېلگن قۉللب-قوّتلاوینی تۉختهتگن.
گزارش ایتیلیشیچه، قۉشمه ایالتلر تینچ اهالینی حمایه قیلیش شرطی بیلن سوريه کوچلریگه کردلر نظارتیدهگی حدودلرگه هجوم قیلیشگه رخصت بېرگن.
معلوماتلرگه کۉره، احمد شرع کردلر نظارتیدهگی حدودلرنی اېگهللش آرقهلی ایکّی مقصدگه اېریشگن: سوريهنینگ حدودي یخلیتلیگینی یگانه رهبریت آستیده تأمینلش حقیدهگی وعدهسینی عملگه آشیریش و امریکانی راضی قیلیش.
امریکانینگ مخصوص وکیلی تام باراکنینگ ایتیشیچه، سوريه اېندیلیکده قۉشمه ایالاتلرنینگ همکاری بۉلیشی ممکن.
قۉشمه ایالتلر 2015-ییلدن بویان داعش گروهینی سوريهنینگ شِمالی-شرقیدن سیقیب چیقریش مقصدیده کردلرنی قۉللب-قوّتلب کېلگن.
شوندن سۉنگ کردلر اوشبو حدودلرنی مستقل حربي و فقراوي انستیتوتلرگه اېگه بۉلگن خودمختار منطقه صفتیده باشقریب کېلیشگن.
بشر اسد حکومتی اغدریلگچ، سوريهنینگ ینگی حکومتی کردلرنی دولت توزیلمهسیگه قۉشیش اوچون بیر ییللیک مهلت بېلگیلهدی، بیراق کردلر بو تکلیفنی رد اېتیشدی.
