طالباننینگ فواید عامه وزیرلیگی دوام اېتهیاتگن قار یاغیشی سببلی سالنگ یۉلی هنوزگچه برچه توردهگی قتناو اوچون یاپیق اېکنینی معلوم قیلدی.
وزیرلیک بوگون (پنجشنبه، 2 دلو) نشر قیلگن خبریده سالنگ شمالي قِسمیده قار قلینلیگی 4 متر 60 سانتیمترگه، سالنگ جَنوبي قِسمیده اېسه 2 متر 68 سانتیمترگه یېتگنینی بیلدیردی.
طالبان فواید وزیرلیگی، شونینگدېک، باميان، دایکندی، غور، غزنی ولایتلریدهگی اکثریت یۉللر همده پکتیا و خوست یۉنهلیشی کوچلی قار یاغیشی طفیلی یاپیلگنینی ایتدی.
وزیرلیکنینگ تأکیدلشیچه، قار یاغیشی تۉختهگچ، اوشبو یۉللر تازهلنیب، قَیته آچیلهدی.
سالنگ اۉتیش یۉلی تیناوون تانگ ساعت 5:20 دن بویان قار یاغیشی و بۉران سببلی یاپیق قالماقده.
بوگون هم مملکتنینگ تورلی ولایتلریده قار و یامغیر یاغیشی دوام اېتیب، علاقه یۉللرینینگ یاپیلیشیگه سبب بۉلماقده.
