بویوک بریتانیانینگ افغانستان بۉییچه مخصوص وکیلی ریچارد لیندسینینگ ایتیشیچه، اونینگ دولتی طالباندن عیاللر و قیزلرگه تعلیم آلیش امکانینی بېریشنی طلب قیلماقده.
جناب لیندسی تیناوون (شنبه، 4 دلو)، خلقارا تعلیم کونی مناسبتی بیلن ایکس اجتماعي ترماغیده یازیب، «تعلیم آلگن قیزلر افغانستان منفعتیگه خدمت قیلهدی»، دېب تأکیدلهدی.
او قیزلر تعلیمی ضرور دېب حسابلهیدیگن افغانستانلیک یشاوچیلرنی قۉللب-قوّتلشینی هم بیلدیرگن.
طالبان افغانستانده قَیته حاکمیتگه کېلگنیدن بېری 6-صنفدن یوقاری بۉلگن قیزلرنینگ مکتبگه باریشینی منع اېتیلگن. اوشبو گروه، شونینگدېک، بیلیمیورتیلر و حتا طبیات انستیتوتلرینینگ اېشیکلرینی هم عیاللر و قیزلر اوچون یاپگن.
بیرلشگن ملتلر تشکیلاتی معلوماتیگه کۉره، اوشبو تعقیقلر نتیجهسیده 2،2 میلیون نفر اۉسمیر قیز اۉرته مکتبلرگه باریش امکانیدن محروم بۉلگن.
