رئال مادرید فوتبال جماعهسی لالیگا 21-هفتهسیده و ویاریاللنی 2:0 حسابیده مغلوب اېتیب، تورنیر جدولیده پېشقدمگه ایلندی.
اوشبو اوچرهشوو شنبه کونی کېچقورون، 24-جنوری، ویاریال مېزبانلیگیده بۉلیب اۉتدی.
بو مسابقهده کیلیان امباپه رئال مادریدنینگ ایکّله گولینی هم اوردی.
مذکور غلبه بیلن رئال مادرید 51 نمرهگه اېگه بۉلدی و بارسلونادن ایکّی نمره همده بیرته اۉیین کۉپراق بیلن آلدینگه چیقدی.
شو بیلن بیرگه، بارسلونا یکشنبه کونی کېچقورون ریال اوویدوگه قرشی میدانگه توشهدی و غلبه قازانگن تقدیرده، ینه تورنیر جدولی یېتکچیلیگینی قۉلگه کیریتهدی.
