کابلدهگی ایران اېلچیخانهسینینگ معلوم قیلیشیچه، بیرلشگن ملتلر تشکیلاتی باش کاتبینینگ سیاسي و تینچلیک مسألهلری بۉییچه اۉرینباسری رزماری دیکارلو افغانستاندهگی ایران اېلچیسی علیرضا بیگدلی بیلن اوچرهشیب، مذاکره آلیب بارگن.
اېلچیخانه بوگون (یکشنبه، 5 دلو) ایکس اجتماعي ترماغیده نشر قیلگن پُستیده، اوچرهشووده «افغانستاندهگی یوناما فعالیتی و ایران اسلام جمهوریتینینگ بو بارهدهگی همکارلیگی یوزهسیدن صحبت بۉلیب اۉتگنی»نی بیلدیرگن.
ایران اېلچیخانهسی اوچرهشوو تفصیلاتلری حقیده قۉشیمچه معلومات بېرمهگن.
یقینده افغانستانگه سفر قیلگن بیرلشکن ملتلر تشکیلاتی باش کاتبینینگ اۉرینباسری آلدینراق طالباننینگ تشقی ایشلر و ایچکی ایشلر وزیرلری بیلن هم اوچرهشوولر اۉتکزگن.
اونینگ طالبان رسميلری بیلن آلیب بارگن مذاکرهلری اساسن دوحه جریانی، مخدره مادّهلرگه قرشی کورهش، خصوصي سکتورنی قۉللب-قوّتلش وبشردوستانه یاردم مسألهلریگه قرهتیلگن.
حاضرگچه اوشبو صحبتلرده انسان حقوقلری، جملهدن عیاللرنینگ تعلیم آلیش و ایشلش حقوقلری بحث قیلینگن-قیلینمهگنی نامعلوم.
