امریکا قۉشمه ایالتلر جمهور رئیسی دونالد ترمپ افغانستاندهگی امریکا قۉشمه ایالتلری باشچیلیگیدهگی ناتونینگ 20 ییللیک ماموریتی حقیدهگی بیاناتلری طفیلی کېسکین تنقیدلرگه اوچرگچ، ایریم گپلریدن چېکینیشگه مجبور بۉلدی.
ترامپ اۉتگن هفته فاکس نیوزگه بېرگن انترویوسیده ناتوگه اعضا امریکا قۉشمه ایالتلریدن تشقری کوچلر افغانستان اوروشیده آلدینگی جنک چیزیقلریده اېمس، آرقه صفده تورگنینی ایتگندی.
بریتانیا باش وزیری و باشقه رسمیلر بو بیاناتلرنی قارهلگچ، ترامپ شنبه کونی بریتانیانینگ افغانستاندهگی رولینی مقتب چیقدی. او بریتانیانینگ «بویوک و جسور عسکرلری» هر دایم امریکا قۉشمه ایالتلری بیلن یانمه-یان بۉلیشینی ایتدی.
ترمپنینگ سۉزلریگه کۉره، افغانستانده 457 نفر بریتانیالیک عسکر هلاک بۉلگن، ینه کۉپلری آغیر یرهلنگن و اولر اېنگ زۉر جنگچیلر صفیده بۉلگن.
شو بیلن بیرگه، بریتانیا حکومتینینگ سۉزلاوچیسی مملکت باش وزیری کایر استارمر بو مساله یوزهسیدن امریکا قۉشمه ایالتلر جمهور رئیسی بیلن تبلفون آرقهلی گپلشگنینی معلوم قیلدی.
باشقه تاماندن، آسترالیا، ایتالیا دنمارک و پولند باش وزیرلری، جرمنی مدافعه وزیری همده ناتونینگ باشقه اعضالری و اتفاقچیلر ترامپنینگ افغانستاندهگی اوروشده اولرنینگ رولی حقیدهگی بیاناتلرینی کېسکین تنقید قیلدیلر.
