طالباننینگ بلخ ولایتی شولگره اولسواللیگی امر بالمعروف و نهی از منکر ادارهسی عیاللردن محرمسیز اوییدن چیقمسلیکنی طلب قیلگن.
یېتکیرمهلرگه بوگون دوشنبه، 6 دلو یېتیب کېلگن مکتوبده طالبان عیاللردن محرمسیز و حجابسیز اویدن چیقمسلیکنی سۉرهگنی کۉرسهتیلگن.
شونینگدېک، اوشبو مکتوبده اهالیگه «لدو»، «آشیغ» اۉینش همده قبرستانلر یانیده اۉتیریش منع قیلینگن.
طالبلر مکتوبده «لدو»، «آشیغ اۉینی»، ایت اوریشتیریش و قوش اۉینهتیش اسلام شریعتیگه ضد اېکنینی تأکیدلهگن.
بو گروه، شونینگدېک، آدملردن نماز وقتیده کۉچهلرده و دکانلرده اۉتیریب قالمسلیکنی طلب قیلگن.
طالبلر اهالیگه ضرور بۉلمهگن مهمانلیک و ییغینلرده قتنهشیشنی هم منع اېتگن.
طالبان افغانستانده قَیته حاکمیتنی قۉلگه آلگنیدن سۉنگ عیاللر، شونینگدېک اېرککلرنینگ حیاتی و ایش فعالیتیگه کېنگ کۉلملی چېکلاولر جاري قیلگن.
